Í upphafi verkefnis eru nemendur látnir skrifa niður eina eða tvær spurningar um það sem þeir vilja vita um það sem fjalla á um. Þeir skrifa spurningar á stórt blað (eina spurningu á hvert blað) og hengja það síðan uppá vegg. Gott er að hafa sérstakan spurningavegg. Spurning eru tekin niður þegar svarið við henni er fundið. Kennarinn notar spurningarnar sem útgangspunkt þegar hann fjallar um efnið, t.d. ,,Nú skuluð við skoða spurninguna hennar Jónu". Í lok tímans getur kennarinn spurt: Hvaða spurningum erum við búin að svara í dag?

Spurningaveggurinn getur þróast og breyst á meðan á verkefninu stendur og nemendur og kennarar geta bætt á vegginn ýmsum hugtökum sem þeir hafa lært um efnið og fleiri spurningum sem vakna á meðan verið er að fjalla um efnið.

Ef bekkurinn er ekki alltaf í sömu stofunni þegar verið er að fjalla um ákveðið verkefni er ágætt að útbúa spurningabók eða lista þar sem spurningarnar eru límdar inní og þá er hægt að fara með spurningabókina á milli kennslustofa. Í lok hverrar kennslustundar er farið yfir spurnigalistann og skoðað hvaða spurningum hefur verið svarað.