Verkefnið hefst með því að kennarinn lætur nemendur hafa mynd (ljósmynd, teikningu, landakort) af einhverju sem er ekki hefðbundið skólaverkefni en tengist á einhvern hátt því sem fjalla á um. Viðfangsefni nemendanna er tvíþætt, annars vegar að skrifa niður allt sem þeim dettur í hug um það sem er á myndinni eða það sem þau vita um það sem er á myndinni. ,,Hvað veit ég um efnið?"
Hins vegar að skrá niður spurningar sem vakna við að skoða myndina og hvað þau vilja vita meira um það sem tengist myndinni. ,,Hvað þarf ég að vita meira um þetta efni?"

Verkefnið er unnið í litlum hópum og nemendur ræða og skiptast á skoðunum um myndina í fyrirfram ákveðinn tíma, safna saman vitneskju og skrá svo spurningar sem vakna.

Einnig er hægt að nota þessa aðferð við að kynna ný tæki eða áhöld fyrir nemendum. Þeir fá tækið afhent og eiga að skrá niður allt sem þeir vita um tækið og síðan að setja fram spurningar um það sem þeir vita ekki um tækið, virkni þess og tilgang. Þannig er hægt að kveikja áhuga og forvitni nemenda þannig að þeir hafi löngun til að læra meira um tækið og tilgang þess. Sem dæmi má nefna í stærðfræðinni að hægt er að nota þess aðferð við að kenna á reglustiku, gráðuboga eða hringfara