Rannsóknir í skólastarfi

Ýmsar rannsóknir hafa verið gerðar á skólastarfi en það sem sem ég ætla að fjalla um hér er rannsóknir í skólastarfi (Teacher Research). Þar eru kennarar rannsakendur, þeir skoða eigið starf með það fyrir augum að bæta kennsluna og efla nám nemendanna.
Starf kennara snýst yfirleitt um daglega rútínu í kennslustofunni, að dreifa verkefnum til nemenda, fanga athygli þeirra, fara yfir próf og verkefni og skipuleggja næsta dag. Með því að stunda rannsóknir í skólastofunni verður starf kennarans faglegra og eykur ánægju þeirra í starfi.

Samkvæmt Mohr (2005) snúast kennararannsóknir (teacher researches) um:

að þróa spurningar byggðar á þeirra eigin athugun í kennslu og á námi nemenda
að rannsaka spurningar nemenda skipulega og skrá það sem gerist í kennslustofunni
að safna og flokka upplýsingar úr kennslunni með þeirri eigin athugasemdum og íhugunum
að prófa þeirra eigin ályktanir
að koma með kenningar
að ræða rannskóknir sínar við starfsfélaga sína til að fá endurgjöf og túlkun frá þeim
að hlusta á niðurstöður annarra
að ræða við nemendur
að kynna rannsóknir sínar (öðrum kennurum eða á ráðstefnum/málstofum)
að skrifa um rannsóknirnar og taka þátt í umræðum um kennslu og skólamál

Flestir kennarar hafa meira en nóg að gera í sinni daglegu kennslu og finnst erfitt að finna tíma til þess að sinna rannsóknum í skólastofunni. En kennararannsóknir eru ekki viðbót við kennsluna heldur aðferð til að gera kennsluna árangursríkari og betri. Það hjálpar kennurum að flytja fræðin og þekkinguna inní skólastofuna. Það er því mikill ávinningur fyrir kennara að stunda kennararannsóknir, það eykur faglega þekkingu, stuðlar að þróunarstarfi og eflir samstarf og samvinnu kennara. Kennararannsóknir eru ekki megindlegar rannsóknir og rannsakandinn er kennarinn sjálfur. Markmiðið er að auka faglega vitund kennara og gæði kennslunnar.