Slæmar námsvenjur

PEEL-kennarar hafa skilgreint nokkrar slæmar námsvenjur sem þeir hafa tekið eftir að margir nemendur sýna og þeir hafa þróað aðferðir til að draga úr þessari hegðun. Þeir hafa skipt þessum slæmu námsvenjum í 8 flokka:

Yfirborðsleg athygli. Nemendur sýna verkefninu litla athygli og eiga erfitt með að tengja það við eigin reynslu og þekkingu. Þeir eiga erfitt með að greina aðalatriði frá aukaatriðum.
Hvatvís athygli. Nemendur veita verkefnum mismikla athygli og því verður vinna þeirra gloppótt og sundurslitin.
Ókláruð vinna. Nemendur hætta við verkefni áður en þau eru fullunnin. Ekkert frumkvæði við að sannreyna svör og ljúka fullkomlega við verkefnið.
Óviðeigandi notkun. Byrja strax að nota aðferð eða leið sem er óviðeigandi án þess velta fyrir sér hvað sé besta leiðin til að vinna verkefnið.
Yfirborðsleg athygli á fyrirmælum. Vinna eitt í einu án þess að velta fyrir sér heildarmyndinni og tilgangi verkefnisins, hvers vegna það er unnið og hvað sé skynsamleg niðurstaða.
Sitja föst. Taka enga ábyrgð og hafa engin úrræði til að komast áfram í verkefni án þess að biðja um aðstoð. Eiga erfitt með að sýna sjálfstæði og sjálfsbjargarviðleitni og skoða leiðbeiningarnar aftur og reyna þannig að komast að því hvar þau eru stödd og hvað skal gera næst.
Sóknarleysi. Nemendur hafa enga tilhneigingu til að skilgreina eigin hugmyndir og skilning og það sem skiptir máli í því sem kennari segir eða stendur í bókum. Þeir geta ekki tengt námið í skólanum við sitt eigið viðhorf og sína skoðun.
Gagnslaus endurskipulagning. Nemendur breyta útskýringum, misskilja og læra reglur vitlaust.