Vefurinn er lokaverkefni mitt á námskeiðinu ,,Námsmat í skólastarfi" í framhaldsdeild Kennaraháskóla Íslands, vorið 2007. Umsjónarmaður námskeiðsins er Ingvar Sigurgeirsson.

Vefurinn er viðbót við vef sem ég gerði um PEEL-verkefnið á haustönn 206. PEEL-verkefnið er ástralst skólaþróunarverkefni sem hófst fyrir rúmlega 20 árum. Markmiðið er að safna saman reynslusögum kennara og auka árangursríkt skólastarf.

Þessi vefur hér fjallar um námsmat í PEEL-verkefninu og er meginuppistaðan reynslusögur PEEL-kennara um námsmat og hugmyndir þeirra að fjölbreyttu námsmati.
Sögurnar eru flestar miðaðar við 1-2 kennslustundir og eru þýddar og skrifaðar með það að leiðarljósi að þær gagnist kennurum í íslenskum skólum. Markmiðið er að hafa stuttar og einfaldar hugmyndir sem kennarar geta nýtt sér í sambandi við námsmat og prófagerð.