Þessi hugmynd segir frá hvernig hægt er að rifja upp námsefni með nemendum fyrir próf eða námsmat þar sem allir eru prófaðir úr saman námsefninu.

1. Sex nemendur sitja saman í hring (við borð)
2. Allir nemendur fá autt blað
3. Sérhver nemandi skrifar eina staðreynd eða eitt atriði sem hann man eftir úr námsefni sem verið er að rifja upp.
4. Nemandinn réttir svo blaðið til þess nemanda sem situr honum á hægri hönd.
5. Sá nemandi þarf að skrifa aðra staðreynd um námsefnið. Það má ekki vera það sama og komið er á blaðið og ekki það sama og nemandinn hefur áður skrifað. Þetta er gert sex sinnum eða þangað til öll blöðin eru komin í hring
6. Einn nemandi úr hópnum (helst einhver sem hefur sig alla jafna ekki mikið frammi) les blaðið. Annar nemandi les svo þeirra staðreyndir, það sem ekki hefur komið fram áður. Það fer svo eftir viðbrögðum og áhuga hversu mörg blöð eru lesin, en næstu nemendur lesa eingöngu þær staðreyndir sem ekki hafa komið fram áður.

Reynslan hefur sýnt að nemendur eru almennt ánægðir með þessa aðferð við upprifjun á námsefni fyrir próf. Hægt er að nota þessa aðferð á öllum aldursstigum.