Heimavinna - Námsmat með foreldrum

Þetta námsmat er hægt að nota nokkrum sinnum yfir veturinn og það snýst um að nemendur kenna foreldrum sínum það sem þeir hafa lært í skólanum.
Meginmarkmiðin eru:

að tengja foreldra við það sem nemendur eru að læra í skólanum
að hvetja nemendur til að ræða við foreldra sína um það efni (t.d. stærðfræðihugtök) sem þeir eru að læra
að auka skilning nemenda á ákveðinni kunnáttu, leikni eða hugmynd

Ferlið er þannig:

nemendum er kennt ákveðið hugtak eða hugmynd eins og venjulega í skólanum
eftir að þeir hafa lært og skilið þetta nýja hugtak (hugmynd) og sýnt fram á skilning, þá fara þeir með þann skilning heim og kenna foreldrum sínum það sem þeir lærðu í skólanum
að kenna öðrum krefst aukins skilnings á viðfangsefninu og þess að búa yfir orðaforða til að geta tjáð sig um efnið
nemendur fá viku til að finna tíma með foreldrum og klára kynninguna (kennsluna)
þá fylla nemendur og foreldrar út námsmatsblað og skila því til kennara

Í upphafi vetrar fá nemendur blað til foreldra þar sem verkefnið er útskýrt. Nemendur líma blaðið inní bókina sína þar sem þeir hafa aðgang að því í hvert skipti sem þeir kenna foreldrum sínum.

Sem dæmi um hugtök eða hugmynd að heimavinnu í stærðfræði:

margföldun
tugabrot
mæla horn með gráðuboga
kenna á vasareiknir

Dæmi um bréf til foreldra:

Kæra foreldri
Í dag lærði barnið þitt um hugtakið/hugmyndina sem þú sérð efst á blaðinu. Heimanám hans/hennar er að útskýra fyrir þér eða kenna þér það sem hann/hún lærði. Þið þurfið að finna tíma sem hentar næstu daga til að vinna verkefnið. Verkefninu á að skila á föstudaginn.

Eftir að hann/hún hefur útskýrt eða kennt þér um hugtakið/hugmyndina þá fyllið þið út sitthvort námsmatsblaðið. Þetta gefur þér tækifæri til að kynnast því sem barnið þitt er að gera í skólanum.

Í sumum verkefnum geta námsmatsblöðin ykkar verið eins og þér er velkomið að skrifa inn ábendingar um hvernig verkefnið gekk. Þessi kennsluæfing eykur skilning barnanna á viðfangsefninu og auðveldara er fyrir foreldra að fylgjast með hvort um námserfiðleika sé að glíma. Ég get notað námsmatið frá ykkur til að meta hvort nemandinn þarf viðbótarkennslu um efnið.

Þessi verkefni eru hluti af námsmati vetrarins og því mikilvægt að skila öllum verkefnunum á réttum tíma.

Með kveðju
Kennarinn

Dæmi um heimaverkefni - námsmat með foreldrum:

Nafn:_________________________________________________

Bekkur:_________________________

Dags. ________________________

Viðfangsefni:___________________________

Skilingur/þekking/leikni_________________________________________

Námsmat foreldra:

	Mjög gott	Meðal gott	Lélegt	Ekki neitt
Skipulagning heimavinnutímans
Gekk vel að útskýra/kenna efnið
Skilningur á efninu

Athugasemd: ____________________________________________________

Námsmat nemenda:

	Mjög gott	Meðal gott	Lélegt	Ekki neitt
Skipulagning heimavinnutímans
Gekk vel að útskýra/kenna efnið
Skilningur á efninu

Athugasemd: ____________________________________________________

Undirskrift foreldra: _________________________________________