Þessi saga gengur út á það að nemendur búa allir til skriflegt próf og þeim er svo dreift handahófskennt á aðra nemendur bekkjarins.

Markmiðið með þessari aðferð er:

• að fá nemendur til að hugsa um hvernig þeir læra, hvað og hvers vegna
• að nemendur og kennarar vinni saman
• að hugsa um, skilja og taka ákvarðanir um námið
• að ræða um námsefnið

Vinnuferlinu er hægt að skipta í eftirfarandi þrep:

1. Ræða við nemendur um að þeir búi sjálfir til spurningar á prófið. Í byrjun er best að láta nemendur vinna tvo og tvo saman.
2. Ræða við nemendur um spurningarnar
   • afmarka efnið
   • hversu margar spurningar
   • hvað prófið á að vera langt
   • hvers konar spurningar (krossaspurn, rétt/rangt, stutt/löng svör)
3. Ræða um það sem skiptir máli varðandi prófið, s.s.að skrifa vel og skiljanlega og hvers konar spurningar er best að nota
4. Ræða um að sérhver nemandi býr til sitt eigið próf og að einhver annar nemandi fær það og þarf að leysa það (ræða um að það sé allt í lagi þó að strákur fái stelpupróf og öfugt)
5. Ræða um stigagjöf á prófinu og hvaða vægi hver spurning hefur. (Kennari getur búið til sína útgáfu af prófinu sem nemendur leysa líka og geta svo valið hvort prófið er notað í einkunnagjöfinni).
6. Nemendur búa prófið til heima og einnig lausnarhefti
7. Prófin eru lögð fyrir nemendur (af handahófi)
8. Eftir prófið eru prófblöðin afhent þeim sem bjuggu til prófið og þeir fara með það heim og fara yfir prófið og gefa einkunn
9. Prófið er afhent eiganda
10. Kennarinn skráir einkunnir
11. Nemendur leysa kennaraprófið
12. Nemendur fylla út eyðublað þar sem þeir segja frá hvernig þeim líkaði þetta fyrirkomulag
13. Bekkurinn skiptir á milli sín kennaraprófinu og fara yfir prófið hjá samnemenda sínum (með lausnarblaði frá kennaranum)

Reynsla kennara sem hafa notað þessa aðferð sýnir að nemendur læra meira þegar þeir búa til prófið sjálfir, þeir læra á því að fara yfir og leiðrétta próf frá öðrum og margir sögðust hafa gert sér betur grein fyrir starfi kennarans. Og síðast en ekki síst þá upplifðu nemendur ekki það stress og þann kvíða sem fylgir því að fara í próf.