Námsmat hefur mikil áhrif á sjálfsmynd og sjálfstraust nemenda. Námsmat á ekki að nota til að gagnrýna nemendur á neikvæðan hátt. Það á að leggja áherslu á það sem nemandinn getur og veit en ekki á það sem hann veit ekki. Námsmatið á einnig að vera hvetjandi fyrir nemendur og að auka áhuga þeirra á náminu. Það er mikilvægt að þeir líti á námsmat með jákvæðum augum og það sé hluti af námsferli þeirra. Námsárangur getur virkað bæði neikvætt og jákvætt á nemendur. Það er mikilvægt að skoða þann árangur sem hefur náðst hefur frekar en það sem illa gengur og að hafa jákvæðar umsagnir frekar en að gagnrýna.

Jákvætt námsmat :

• eykur framfarir
• verðlaunar markmið og árangur
• hvetur til markmiðssetningar og löngunar til að ná hærra
• hvetur nemendur til að finnast námið vera einhvers virði
• hvetur nemendur til að leysa vandamál á jákvæðan hátt
• hvetur nemendur til að skoða námið í stærra samhengi svo að þeir sjái heildarmarkmiðið
• skapar góð tengsl milli nemenda og kennara með því að sýna markmiðum nemenda áhuga
• hvetur nemendum til að taka ábyrgð á eigin námi
• hvetur nemendur til að treysta eigin færni og skilning

Neikvætt námsmat :

• getur ofgert mistök og lélegt gengi
• getur haft slæm áhrif ef nemendur ná ekki þeim markmiðum sem þeir stefndu að
• getur verið of markviðmiðað án þess að miðað sé við fyrra gengi nemendans
• getur dregið fram óæskileg viðbrögð frá bekkjarfélögum
• getur ómeðvitað stuðlað að samkeppni milli bekkjarfélaga
• getur stuðlað að of mikilli áherslu á einkunnir
• getur haft áhrif á metnað nemenda þar sem getulitlir nemendur missa allan metnað í náminu vegna þess að þeir sjá ekki fram á að geta sýnt góðan námsárangur

(2006. Rayment)